Активности 1
Активност прва
Климата во Шарпланинскиот регион е средно континентална со многу сончеви денови во текот на годината. Летото е топло и делумно влажно, зимата е ладна со обилни врнежи од снег, додека пролета и есента се карактеризираат со чести дождови. Бидејќи целата Полошката котлина е опколена со планини, постои инверзија на движењето на ладни и топли воздушни маси.
Активност 2
Планинарски домови
Освен со природни атракции, регионот е богат и со историски артефакти лоцирани насекаде низ регионот. Од посебно значење е Тетовската менада, но и историските споменици од Османлискиот период посебно во регионот на Тетово, како што се Арабати Баба Теќе, Шарена џамија, неколку калиња, неколку позначајни цркви и манастири, посебно Лешочкиот манастир.
Атракции 3
Хотели
До центарот се стига по асфалтиран пат или со изграден лифт во должина од 7 км (кој подолго време не е во функција). Времето на патување е околу 40 мин, минувајќи висинска разлика од 1400м. Попова Шапка има 9 ски-лифтови во должина од 7.7км, со кои се поврзуваат скијачките предели на височина од 1070-2510 м. Должината на скијачките предели е 20км од кои 3 се според критериумите на ФИС-ит.
Посетители 1,5
Летен туризам
Природна ладовина, чист воздуд, прекрасни пејсажи како и предели за одмор и рекреација, нуди Попова Шапка во летниот период. Но, на овие места во овој период од година вгодина се помалку посетители. Без промоција и основна инфраструктура летниот туризам не може да се развие, согласни се туристичките работници.
И во останатите предели на Шара состојбата е иста. Во местото викано Забели, Демир Сефери има отворено ресторан каде се нуди локална храна. Но, местото се уште не е доволно посетено, луѓето не го знаат. Потребна е промоција на планината, но и инвестиции во инфраструктурата, вели Сефери кој сам го изградил патот преку кој туристите можат да стигнат до ова место.
Посетители 1
Безбедност
Овој потенцијал може да го искористиме само доколку доколку имаме спасувачка служба која е подготвена да интервенира во секакви услови и да одговори на повик 24 часа дневно. Токму таков современ спасувачки центар, свечено беше отворен деновиве на Шар Планина, а ќе функционира во рамките на планинската спасителна служба при Црвениот Крст од Тетово.
Со воспоставуањето на оваа служба и 24 часовните дежурства, ќе се отстрани еден од клучните недостатоци од минатото, а тоа е непостоењето на организиран систем за управување со ризици.
Зимски 1
Зимски туризам
Зимско-рекреативниот центар е оддалечен 18 км од Тетово, 53 км од Скопје. Од Тетово води асфалтиран пат кој поминува низ попатните шарпланински села. Пред воените дејствија во 2001 г., до Попова Шапка можело да се стигне и преку гондолска жичарница долга околу 7 км. Но поради сериозни оштетувања за време на воените дејствија жичарницата е нефункционална. Почетната станица на жичарницата се наоѓа во близина на Арабати баба-теќе и за неполни четириесет минути можело да се стигне до Попова Шапка и следните ски лифтови:
- Почетнички: Дол и Бабин Извор(Аеродром)
- Средни: Поток 1 и 2, Пионерско брдо, Ајдучка рамнина 1 и 2
- Свети илија, 6-то сед, Син врв Церипашина
